《排意排華排飽佢》
前兩晚，兩公婆如常收工坐車返酒店。
喺酒店餐廳食食吓飯，突然有個埃及阿叔臨行出餐廳前瞄我一眼，大嗌 "Hey, Corona ! " 隨即與佢同行嘅阿叔們一齊R住肚腩大笑。
雖然吳孟達係我偶像，但個阿叔黏住支牙籤喺度恥笑我個樣，令我忍唔住喺電光石火之間帶以微笑回應：「我臉上有咩令你要叫我Corona呢？莫非我似Chinese？」阿叔否認佢係話緊我，咁我繼續問：「咁不如你望吓我老公，感應一下佢係邊度人？」「我答你吖，佢係意大利人。」
阿叔再次喺口蚊返支牙籤出嚟：「iiiiItalian...?!」
「係啊，我哋啱啱喺意大利飛過嚟，琴日之嘛(明明我哋喺疫情未爆發前已經呆在埃及🤭)。」阿叔嚇到連腳趾都唔識叉返落隻拖鞋度就拉走身邊兩個阿叔一齊9衝出餐廳！餐廳裡嘅員工比阿叔更呆，自此，佢哋成日收平我哋個晚餐之餘，彈到九丈遠去落單。
人在江湖，身不由己。本娘都叫做食過夜粥，浪跡天涯，俾人歧視已唔係第一次，既然阿叔自動獻技，咁老娘今趟真係唔好意思要借你過橋嘞。同埃及人講衛生意識真係等於對牛彈琴，酒店裡面一個戴口罩做嘢嘅員工都冇，去信酒店管理層當然唔會有回音，咁唯有自己諗掂佢。
依家我哋兩公婆喺酒店係「生人勿近」嘅一對。啲人會眼啤啤㗎，不過「pride」or「life」，起碼依家冇人會夠膽近距離接觸或同我哋講嘢，俾在你，你會點揀？🤷🏻♀
#CoronaCouple
#PrideOrLife
#酒店日常
#人在江湖
#埃及吳孟達
#求生技能課程隨時開班
#出走埃及記2
Search